აშშ-ს საზღვაო ქვეითთა კორპუსი

აშშ-ს საზღვაო ქვეითთა კორპუსი

დაარსდა: 10 ნოემბერი, 1775
ექვემდებარება: აშშ-ს თავდაცვის დეპარტამენტი
მიეკუთვნება: აშშ-ს სამხედრო საზღვაო ძალების დეპარტამენტი
მოქმედი მეთაური: გენერალი ჯეიმს ტ. ქონვეი

ამერიკის საზღვაო ქვეითების დაარსება კონგრესის რეზოლუციას უკავშირდება, რომელიც 1775 წლის 10 ნოემბრით თარიღდება, თუმცა საზღვაო ქვეითთა კორპუსი ფაქტიურად 1798 წლის 11 ივლისს შეიქმნა, მისი სრულყოფილი სახელწოდებაა _ Uნიტედ შტატეს Mარინე ჩორპს (UშMჩ). ეს შენაერთი ნომინალურად აშშ-ს სამხედრო-საზღვაო ძალების შემადგენლობაში შედის, თუმცა რეალურად დამოუკიდებელი სამხედრო გაერთიანებაა. საზღვაო ქვეითთა კორპუსის ძირითადი მოვალეობაა უზრუნველყოს ქვეყნის საზღვაო დაცვა. შენაერთის შემადგენლობაში 200 000 ადამიანია.
ამერიკის შეერთებული შტატების სამხედრო ძალების სახეობებს შორის საზღვაო ქვეითთა კორპუსი ერთ-ერთი მცირერიცხოვანია. მასზე მცირერიცხოვანი სანაპირო დაცვაა. თუმცა, ამერიკის საზღვაო ქვეითთა კორპუსი მაინც ყველაზე მსხვილი გაერთიანებაა მსოფლიოში.
საკუთარი ამოცანის შესრულების მიზნით საზღვაო ქვეითებს ჯავშანტექნიკა, არტილერია და ავიაცია გააჩნიათ. ჰყავთ სნაიპერებიც. საზღვაო ქვეითთა მოვალეობაში სადესანტო ოპერაციებიც შედის. მხოლოდ აღჭურვის მიზნით საზღვაო ქვეითებისთვის 150 მლნ. დოლარია გამოყოფილი.
1947 წელს მიღებული კანონით `ეროვნული უსაფრთხოების შესახებ~, საზღვაო ქვეითთა შემადგენლობას მშვიდობიან დროს გაძლერებისა და მომსახურებისთვის არანაკლებ სამი დივიზიისა და სამი ავიაესკადრილია უნდა ჰყავდეს, ერთი დივიზია და ერთი ავიაესკადრილია კი რეზერვისთვის.
საზღვაო ქვეითთა კორპუსს `ოთხვარსკვლავიანი გენერალი~ ხელმძღვანელობს, რომელიც უშუალოდ საზღვაო ძალების მინისტრს ექვემდებარება. ის შტაბის ხელმძღვანელთა კომიტეტის მუდმივი წევრი არ არის, მაგრამ როდესაც საკითხი საზღვაო ქვეითთა კორპუსს ეხება, კომიტეტის სხდომებზე სურულუფლებიანი წევრის სტატუსით მონაწილეობს
საზღვაო ქვეითთა კორპუსის შემადგენლობაში ატლანტის და წყნარი ოკეანეების საბრძოლო ძალები შედიან, ისინი შესაბამისი ფლოტების ხელმძღვანელებს ექვემდებარებიან. მათი დამხმარე სამსახურები პირადი შემადგენლობას ამზადებენ და აღმოსავლეთ-დასავლეთის სანაპიროების წყნარი ოკეანის აზიური ნაწილის საავაციო ობიექტებს ემსახურებიან.
საზღვაო ქვეითთა კორპუსის ახალწვეულები თავდაპირველ წვრთნასა და მომზადებას ახალწვეულთა პუნქტებში გადიან, რომელიც სან-დიეგოში (კალიფორნიის შტატი) და პარის-აილენდში (სამხრეთ კაროლინა) მდებარეობენ. კუანტიკოში (ვირჯინიის შტატი) კი სწავლება_მომზადებას კანდიდატები და ოფიცრები გადიან. ცენტრი უმაღლესი გადამზადებისთვისაც არის გამიზნული, სადაც ვერტიკალური დაპყრობის და დესანტის ნაპირზე გადასხდომის ილეთებს სწავლობენ.
საზღვაო ქვეითთა კორპუსის დანაყოფები მსხვილ საბრძოლო გემებზე დისლოცირდებიან და სადესანტო ოპერაციებში მონაწილეობის მისაღებად ნებისმიერ დროს მზად არიან. საზღვაო ქვეითთა ავიამზიდებზე განთავსებული ავიაცია ძირითადად ნაპირზე ომის დროს დესანტის გადმოსხმის ოპერაციების საავიაციო მხარდაჭერისთვის არის განკუთვნილი.
საზღვაო ქვეითთა შემტევი ძალები, რომლებიც მუდმივ საბრძოლო მზადყოფნაში არიან, დისლოცირებულნი არიან არა მხოლოდ აშშ-ს ძირითად სამხედრო ბაზებზე, არამედ ოკინავასა და ხამელთაშუა ზღვის აუზში.
სამხედრო საზღვაო ბაზებისა და სანაპირო ობიექტბის, ასევე, აშშ-ს უცხოური საელჩოების და მისიების დაცვა ტრადიციულად საზღვაო ქვეითთებს ევალებათ.
აშშ-ს საზღვაო ქვეითთა კორპუსის სპეციალურად მომზადებული ბატალიონის ჩართვამ მეორე მსოფლიო, კორეის, ვიეტნამის, ავღანეთის და ერაყის ომებში დიდი ეფექტი მოახდინა. კორპუსი საუკეთესო შეიარაღებით, სატრანსპორტო ტექნიკით, ავიაციით და ფლოტით იყო აღჭურვილი. ამ ომებში მათი ღვაწლის გადაფასება შეუძლებელია.
საზღვაო ქვეითები მეორე მსოფლიო ომის დროს ამერიკის შეერთებული შტატების შეიარაღებული ძლების მცირერიცხოვანი კორპუსი იყო. მას მხოლოდ სასაზღვრო დაცვა ჰყავდა. მაშინ 669 ათასი ჯარისკაციდან საზღვაო ქვეითთა კორპუსის დაღუპულ და დაკარგულ მეომართა რიცხვი 19 733-ს შეადგენდა, 67 201 კი დაჭრილი იყო.
მეორე მსოფლიო ომის დაწყების წინ სამხედრო ძალების ამ შენაერთში 65 881 ოფიცერი და ჯარისკაცი შედიოდა. 31 000 მეტი სახმელეთო და საჰაერო ქვედანაყოფში მსახურობდა. დაახლოებით 3 400 საზღვარგარეთ, საზღვაო ბაზებზე, 27 000 კი აშშ-ს ტერიტორიულ წყლებში სანაპირო გარნიზონს ამაგრებდა.
საზღვაო ქვეითთა კორპუსში სამსახური 1943 წლამდე ნებაყოფლობითი იყო.
საზღვაო ქვეითთა სამხედრო ფორმის მიზანია, რომ ისინი სხვა სამხედრო მოსამსახურეებისგან განასხვავონ. საზღვაო ქვეითთა კორპუსი ტრადიციების ერთგულია და ცნობად სტილს ინარჩუნებს. ლურჯი ფერი (Dრესს Bლუეს) მე-19 საუკუნის დასაწყისთან არის ასოცირებული, ხოლო სამსახურეობრივი (შერვიცე Uნიფორმ) მეოცე საუკუნის დასაწყისთან. უნიფორმა სისადავით გამოირჩევა.
სარიტუალო ფორმა (Dრესს Uნიფორმ) - აშშ-ს სამხედრო ძალებში ეს უნიფორმა ერთადერთია, რომელიც ამერიკის დროშის სამივე ფერს ატარებს; გამოიყენება მხოლოდ ოფიციალურ ცერემონიებზე. აცვიათ ახალწვეულთა დამქირავებლებს. ხშირად გვხვდება სააგიტაციო პლაკატებზე. ამ ფორმის სამი სახეობა გამოიყენება: ლურჯი _ შედარებით მეტად გავრცელებული; ასევე, ლურჯი თეთრით გაწყობილი - ფორმალური შემთხვევბისთვის. ამ ფორმის მატარებელ ოფიცრებს ან უნტეროფიცრებს ქორდიკის (მეზღვაურთა იარაღი) გაკეთების უფლება აქვთ.
სამსახურებრივი ფორმა (შერვიცე Uნიფორმ) - მწვანე ფერის ფორმა განკუთვნილია ყოველდღიური ხმარებისთვის სამსახურეობრივი მოვალეობის შესრულებისას და ცვალებადია ადგილმდებარეობის მიხედვით. ცერემონიალების დროს არ აცვიათ. ამ ფორმიიან საზღვაო ქვეითებს შეუძლიათ გამოიყენონ, როგორც სამხედრო კეპი, ასევე პილოტურა ქუდი.
კამუფლირებული ფორმა (Uტილიტყ Uნიფორმ) - გამოიყენება ველზე და სამსახურეობრივი მოვალეობის შესრულების დროს. კამუფლაჟი შედგება შარვლისა და ზედასგან. ფერები: ტყეში _ მწვანე, ყავისფერი და შავი, უდაბნოში _ მოწითალო მიხაკის ფერი, მწვანე და ყავისფერი. ფეხსაცმელი _ ზამშის, ყავისფერი. ქამარი და მაისური _ ზეთისხილისფერი.
ზაფხულში დასაშვებია უნიფორმის სახელოების აკეცვა იდაყვამდე - ასე უფრო მოსახერხებელი ხდება. თავსაბურავად რვაკუთხა კეპი გამოიყენება, რომელიც სხვა სამხედრო ქუდებისგან გამორჩევა. უდაბნო ადგილებში დასაშვებია პანამა-ქუდის დახურვა, რომელსაც წინ საზღვაო ქვეითთა კორპუსის ემბლემა აქვს. ემბლემა ადრე ლითონისგან მზადდებოდა. ამ ფორმის ჩაცმა, სარიტუალო და სამსახურებრივი ფორმეწბისგან განსხვავებით, სამხედრო ბაზის საზღვრების გარეთ, გამონაკლისი შემთხევევბის გარდა, აკრძალულია.

შეიარაღება:

ჯავშანტექნიკა:
AAV-7 ამერიკული ჯარის სადესანტო მუხლუხებიანი მანქანა-ამფიბია;
Iნტერნატიონალ MახხPრო - Nავისტარ Iნტერნატიონალ-ის წარმოების ბრონეტრანსპორტიორი.


თვითმფრინავები:
AV-8B Hარრიერ II;
AV-8B Hარრიერ —ვერტიკალური აფრენა-დაფრენის ამერიკული ბობმდამშენების ოჯახი;
V-22 Oსპრეყ — სამხედრო – სატრანსპორტო ვერტმფრენი, რომელსაც 24 დესანტის გადასხმა შეუძლია.

ვერტმფრენები:
UH-1Y Vენომ — Bელლ Hელიცოპტერ თეხტრონ-ის ფირმის მრავალდანიშნულებიანი ვერტმფრენი;
ჩH-46 შეა Kნიგჰტ - სამხედრო – სატრანსპორტო ვერტმფრენი;
ჩH-53 შეა შტალლიონ — მძიმე სატრანსპორტო ვერტმფრენი.

ბაზები:
• საზღვაო ქვეითთა სარეკრუტო დეპო, პერის-აილენდ ბოფორტი (სამხრეთ კაროლინა)
• საზღვაო ქვეითთა სარეკრუტო დეპო, სან-დიეგო (კალიფორნია)
• საზღვაო ქვეითთა კემპ-პენდლტონის ბაზა (კალიფორნია)
• საზღვაო ქვეითთა კემპ-ლეჯენის ბაზა (ჩრილოეთ კაროლინა)
• საზღვაო ქვეითთა ბაზა. ჰავაი (ჰავაი)
• საზღვაო ქვეითთა ბაზა. კუანტიკო (ვირჯინია)
• საზღვაო ქვეითთა ზურგისა და მომარაგების ბაზა. ბარსტოუ (კალიფორნია)
• საზღვაო ქვეითთა ზურგისა და მომარაგების ბაზა. ოლბანი (ჯორჯია)
• ჰენდერსონ ჰოლი. არლინგტონი (ვირჯინია)
• მთაში ომის წარმოების ხერხების სასაწავლო ცენტრი. ბრიჯსტოუნი (კალიფორნია)
• 29 პალმსისის საზღვაო ქვეითთა საპოლიგონო საბრძოლო ცენტრი. 29 პალმსი, (კალიფორნია)
• საზღვაო ქვეითთა ვაშინგტონის ბარაკები. ვაშინგტონი (კოლუმბია)



მოამზადა მაია აბრამიშვილმა

ბმული სურათებისთვის - http://en.wikipedia.org/wiki/United_States_Marine_Corps